Smoltstøðin á Viðareiði útbyggjast við 2.000 m3

23.08.2022

Mikudagin 10. august skrivaði Bakkafrost undir sáttmálar við fyritøkurnar Malltek, RV-tøkni og Nomatek um útbygging av Høll D á smoltstøðini á Viðareiði við 2.000 m3. Høllin verður útgjørd við nýggjastu tøkni, og útbyggingin fevnir eisini um dagføring av biofiltri og vatnendurnýtslu, soleiðis at upp móti 99% av vatninum verður endurnýtt.

Íløgan er ein liður í felagsins strategi at ala laksin longri á landi, ið fer at merkja lægri lívfrøðiligan váða og betri fiskavælferð.

Eftir ætlan verður nýggja høllin klár at taka í nýtslu á sumri 2023.

Í løtuni starvast umleið 20 fólk á støðini.

Frá høgru: Rúni Olsen (Bakkafrost), Andreas Josephsen (Malltek), Ragnar Magnussen (Nomatek), Rói Vang (RV-tøkni), Finnbogi R. Djurhuus (Bakkafrost), Sigurð Jacobsen (Bakkafrost) og Regin Jacobsen (Bakkafrost)