Roykti laksurin hjá Bakkafrost kosin “best í test”

20.12.2022

Tað er matblaðið hjá navnframa danska blaðnum Euroman, Gastro, ið hevur kosið roykta laksin hjá Bakkafrost at vera “best í test”. Ummælarin hevur mett um átta ymiskar royktar laksavørur, ið fáast til keyps í donskum matvøruhandlum, og roykti laksurin hjá Bakkafrost vinnur kappingina og fær ummælið:

“Tunnar skivur, vakurt skornar og pakkaðar. Sera góðan og leskiligan royksmak, sum ikki køvir laksasmakkin. Skivurnar eru ikki “vátar” og feittutar. Ein sera góð vøra, og í tí dýra endanum í testini, men eisini tann besta. Ein ‘skanningskoda’ á pakkanum gevur møguleika fyri at finna fleiri upplýsingar um vøruna”.

Roykti laksurin hjá Bakkafrost verður framleiddur á roykivirkinum á Glyvrum og fæst til keyps kring alt landið.