Oyggjaleikir 2027 verða ógloymandi – og Bakkafrost er sjálvandi við

Bakkafrost, Atlantsflog, MBM, Smyril Line og SMS fara saman við Betri Stuðul at gera sítt til, at Betri Oyggjaleikir 2027 verða ógloymandi.

Í døgunum 3.-9. juli í 2027 fara eini 2.500 ítróttafólk at kappast í 14 ymsum ítróttagreinum í Føroyum.

Í gjár undirskrivaði Regin Jacobsen, forstjóri, samstarvsavtalu vegna Bakkafrost, sum merkir, at nú kunnu fyrireikingarnar veruliga fara í gongd. Samstarvið fevnir eisini um leikirnar í Orknoyggjum í 2025.

Fyri okkum hevur tað stóran týdning at geva aftur til samfelagið, vit virka í. Tí vóru vit ein av høvuðsstuðlunum hjá føroyska oyggjaleikaliðnum á Guernsey í fjør. Harumframt var Bakkafrost Skotland stuðul hjá oyggjaleikaliðnum hjá Suðuroyggjum (Hebridunum).

Regin Jacobsen Forstjóri CEO

+298 23 50 01